Zwangersjap
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Zwangersjap of peziesje is de periood worin e vrouwelik zougdeer e jónk (bie luuj e kindj) druueg toetdet 't zich zoeawied haet óntwikkeldj det 't boete de baarmoder kan euverlaeve. Bie bieëster kaltj me döks euvere drach of d'n draagtied inplaats de zwangersjap.
Zwangersjap wuuertj bereik wen 'ne zaodcel van e mennelik zougdeer 'nen eicel van 't vruike bevröch enne rizzelterendje zygoot zich inne baarmoder inèsteltj.
Dit is in officieel bewäörding det det zich kan aafspele wen sperma inne vagina is gekómme, 't wersjienlikste door copulatie. 'nen Eicel kan ouch boeten 't lief waere bevröch (reageerbuusbevröchting) en daonao inne baarmoder trögkgeplaats.
Es 'n zwangersjap óngewunsj is en ónthajing van seks gein oplossing is, mót gebroek waere gemaak van anticonceptie.
Technisch gespraoke begintj de zwangersjap mitte bevröchting en ènjig die mitte bevalling (de gebaordje).
Veurtgank vanne miensjelike zwangersjap
bewirk
Normaal gespraoke begintj me bie 't maete van 'n miensjelike zwangersjap neet te tèlle bieje bevröchting, mer oppen ieësten daag vanne litste menstruatie, det is óngevieër twieë waeke veure contraceptie. Zoea gemaete vindj de bevalling plaats nao gemiddeldj 40 waeke; 'n zwangersjap die tösse de 37 en 42 waeke doertj wuuertj es normaal betrach.
- twieë waeke: contraceptie;
- Nao zoeaget 18-22 waeke kan de zwanger vrouw 't kindj veule bewaege (sjöppe). Bie 'n twieëdje en later zwangersjap gebeurtj det ieëre es bieje ieëste zwangersjap;
- 40 waeke: bevalling.