Zichtenhaok

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

'n Zich en 'ne zichtenhaok.

'ne Zichtenhaok of pikhaok is e landjboewwirktuug det wuuertj gebroek in kómbinaasje mitte zich.

't Besteit oet 'nen houtere steel van zoeaget 60 centimaeter mit 'ne lichtelik gebaogen haok van zoeaget 15 centimaeter loeadrech dao-op.

't Woort gebroek door 'ne pikker veur kaore te mejje in kómbinaasje mitte zich. 't Kaore woort daomit samegeroldj. Daonao woort 't samegebónje door binjsters mit 'n hendje halme toet 'n sjob of sjouf. Dees sjouve woorte den te druuege gezatte, door mieëder sjouve taengenein te zètte toet 'n miet.