Zandjbank
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
'ne Zandjbank of 'n zandjplaat (de litste term is veurnamelik gebroekelik in de Waddezee) is 'n ophuiping van zandj op de baom van 'n zee of e maer. De zandjophuiping blief ónger 't wateroppervlak en is daoveur dus biezunjer geveerlik veur de sjeepvaart.
'ne Zandjbank kan óntsjtaon door 't sjtorte van zandj in de zee (wie bie 't oetbagkere van havegeule), mer kan ouch óntsjtaon door sjtruiminge.
Wen de plate dreugligke kan zich zandj aafzètte wodoor ze ummer hoger waere. Sommige plate kinne zo gruie det ze allein nog bie sjpringvlood ónger kómme te sjtaon of bie extreem hoogwater. Zo kinne ze oetgruie toet klein eilenj, wie de Boschplaat en de Rottumerplaat in de Waddezee.