Rotestek

(Doorverweze van Wortelsjtek)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'ne Brandjnetel mit rotestekker.

'ne Rotestek, wortelstek of rizoom (rhizoma) is 'nen óngergrundjse, meistes horizontaal-loupendje, waal of neet opgezwólle stengel. 't Ènj vanne rotestek buug döks weer ómhoeag op en vörmp zoea 'n nuuj plantj.

Döks is 't lestig te zeen of 't zich 'ne rotestek of 'ne root betruf. Reut höbben aevel noeatj knuip of blajer. Rotestekker höbben ummer knuip mit of sónger blajer. Es gein blajer d'raan zitte, zeen de blaadlienteikes nag waal zichbaar. Op edere knoup vanne rotestek kan 'n nuuj plantj waere gevörmp. Bie 't in stökker braeke kónne zoea väöl nuuj plantjen óntstaon. Saorte mit rotestekker wie pert (Elytrigia repens), brandjnetel en wilje gaer of wildjmaere (Aegopodium podagraria) waere sómwiel betrach es hieël lestig eweg te kriegen ónkroed.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rotestek&oldid=417343"