Wopke Hoekstra
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Wopke Bastiaan Hoekstra (Bennekom, Ede, 30 september 1975) is 'ne Nederlandse politicus veur 't CDA en sinds 9 oktober 2023 Eurokemissaris. Heer waor vicepremier en minister van Boetelandse Zake in 't kabbinèt-Rutte IV en minister vaan Financië in 't kabbinèt-Rutte III. Ieder waor heer lid vaan de Ierste Kamer (2011-2017) en viceveurzitter vaan de CDA-fractie.
Hoekstra greujde op in 'n vrijzinneg protestantse femilie. Heer studeerde ind jaore negeteg en begin twiedoezend rechte aon de universiteit vaan Leide. Daonao studeerde heer ouch rechte en internationaole polletieke in Roeme, later in 't bij Paries gelege Fontainebleau en oetindelek in Singapore.
Veur 't CDA waor heer in de jaore 2000 oonder aandere penningmeister vaan de Eduardo Freistichting en bestuurslid vaan de aofdeiling Amsterdam. In 2011 woort heer beëdeg es Ierste Kamerlid. Hoekstra waor 'n opvallend lid in de Ierste Kamer. Zoe waor heer 't einsegste CDA-lid in dee kamer wat stumde véúr de aofsjaffing vaan de zoegenaomde "weigerambteneer" (ambtenere die vaanwege religieuze reies weigere 'nen ech vaan homoseksuele te acceptere) en véúr de "Wèt lesbisch awwersjap" (boedoor twie vrouwe geliek stoon aon dat vaan 'n hetero-stèl). In 2016 woort heer veurzètter vaan de kemissie veur 't CDA-verkezingsprogram.
Hoekstra zörgde tijdes zie ministersjap veur e konflik tösse de Nederlandse staot en de Franse staot naodat Hoekstra had beslote zoonder aonkóndeging 14 percent vaan de aondeile vaan Frans-Nederlands bedrief Air France KLM op te koupe.