Wintjerslaop
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
De wintjerslaop is 'n meneer die sómmige bièster höbbe veur de wintjer door te kómme. In de kaoj wintjermaondje is 't döks lestig veur aan aete te kómme en is weinig besjötting te vinje.
Versjillendje saorte bièster haoje 'ne wintjerslaop, worónger weikdere, insekte, slange, sjiljkróddele, aektese, amfibieje en inkel zougdere, wie muus, vlaermuus en eechele.
Tiejes de wintjerslaop kómme de bièster in 'ne bewaegingsloazen, inaktieven toestandj. De liefstemperatuur daaltj (hypothermie) en de meiste liefsfónsjes wie de stofwusseling, 't aome en de bloodsómloup vermindere strang; 't hert klop väöl traoger es gewuuen. Hiedoor verbruuk 't biès bao gein innerzjie en haet 't bao gein aete nuuedig. Sómmige bièster lègke waal 'ne wintjerveurraaod aan en ouch make ze gebroek van aangeladje vètrizzerfs.