Äöpen houfmenu

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Winston Churchill.

Winston Leonard Spencer-Churchill (Blenheim Palace, Woodstock, 30 november 1874Lónje, 24 jannewarie 1965) waas de Britste sjtaotsman dae es premier van 1940 tót 1945 Adolf Hitler waersjting en daomit 'n besjloetende rol in dem zienen óngergank en de geallieerde euverwinning in de Tweede Waereldkrieg haet gesjpeeld. 't Lökde 'm de Britste kriegsinsjpanning op piel te kriege en de Vereinigde Sjtaote daobie tót sjteun te bewaege.

Churchill is ein van de bekèndste sjtaotsluuj van de twintjigste eeuw. Veur zien aantraej es premier op zien veerensèstigste haj d'r al 'n lang en wisselvallige karriaer achter de rögk, worin d'r twee keer van politieke partie wisselde. In 1901 waerde d'r veur 't eers verkaoze in 't Legerhoes ein in 1910 beneump tót minister van Binnelandjse Zake. Es minister van Marine en es minister van Munitie waas d'r betróch bie de Eerste Waereldkrieg en hae waas later ouch minister van Financieje. Daonaeve waas d'r 'ne productieve en succesvólle sjriever en óntvóng d'r in 1953 de Nobelpries veur de Litteratuur veur zien gesjiedenis van de Tweede Waereldkrieg. Es ein van de weinige Europeane waas d'r 'ne Amerikaanse ere-sjtaotsbörger.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Winston_Churchill&oldid=366282"