William McKinley
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.jpg)
William McKinley (Niles te Ohio, 29 jannewarie 1843 - Buffalo, New York, 14 september 1901) waor 'nen Amerikaanse politicus en advokaot, en de 25e President vaan de Vereinegde Staote vaan Amerika. Op 6 september 1901 woort heer slachoffer vaan 'n moordaonsleeg door 'ne verwarde Poolse migrant. Dit euverleefde 'r oetindelek neet. Heer woort opgevolg door vicepresident Theodore Roosevelt.
Imperialisme bewirk
McKinley kaom bekind te stoon es d'n aonveurder vaan versjèllende belaangrieke geopolletieke keuzes (die woorte gekenmerk door 't greuiend imperialisme in de Westerse Wereld), wie de Spaons-Amerikaansen Oorlog, de Belegering vaan 't gezantsjapskerteer in Beijing, de touwnömmende Amerikaanse dominantie in de Filipijne en Cuba en de annexactie vaan Hawaï.
Isolationisme bewirk
Wijer woort McKinley populair in de VS door zien economisch isolationisme in de wereldhandel. Ziene slogan waor: Prosperity at home, prestige abroad - "thoes welveert, daoboete prestige". Zoe goeide heer de tarieve umhoeg veur len um handel te drieve mèt de VS. Mèt Fraankriek maakde heer e speciaal akkoord dat de Franse 'n oetzunderleke positie gove in d'n Transatlantischen handel.
Rechte veur zwarte Amerikane bewirk
McKinley stoond, es typische Rippeblikein, positief tegeneuver 't oetbreie vaan de rechte vaan zwarte Amerikane. Evels woorte zien polletieke beslete oetindelek es teleurstèllend gezeen door väöl zwarte Amerikane. Allewel McKinley versjèllende liege administratieve posities besjikbaar maakde veur zwarte Amerikane, waore dit d'rs minder es wat door ierdere Rippeblikeinse presidente besjikbaar woort gemaak. Zien prioriteit loog bij 't bestrije vaan 't sectionalisme: de traditionele neiging in de VS um te stömme op basis vaan de staot boe me vaandaon kump, in plaots vaan steun te uite veur de ideologie die 't bès pas bij eine zien visie veur 't land.