Vuch (Belsj Limburg)

(Doorverweze van Vucht)
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Mechels (Belsj Limburg), es te dit dialek sjpriks.

Vuch (Nederlands Vucht) is e dörp in Belsj Limbörg en 'n deilgemeinte vaan Mechele. De deilgemeinte heet 'n oppervlaakde vaan 3,91 km² en had in 2012 3.481 inwoeners. Oonder Vuch valle ouch de kolonies Mariahei, Tuinwiek en Berensheuvel.

Remigiuskèrk in Vuch

HistorieBewirk

De naom Vuch liet ziech verklaore es 'voch', d.w.z. 'vochtege groond'. Zoedoende is de plaotsnaom identiek aon Vuch (Waldfeucht) in Duitsland en Vught in Noord-Braobant. Vuch waor in de Romeinsen tied al bewoend; wie mie plaotse aon de Belzje Maoskant laog Vuch aon d'n awwe heerweeg vaan Tóngere nao Nimwege. De Maos laog in deen tied korterbij d'n dörpskern; heer is in de loup vaan de iewe nao 't ooste opgesjove.

In de middeliewe waor Vuch bezit vaan 't kapittel vaan de Sint-Lambertskathedraol in Luik. 't Veel toen oonder de parochie Mulhem, later oonder Aësde. Wel had 't 'n Remigiuskepel. Pas in 1834 woort Vuch 'n apaarte parochie.

In 1822, bij 't grave vaan de Zuid-Willemsvaort, woort d'n dörpskern vaan de hei aofgesnoje. Vuch veraanderde evels pas ech wie in Aësde de mijn opegóng. Aon d'n aandere kant vaan 't kenaal woorte diverse kolonies (cités) gebouwd veur de dèks Italiaonse koompele. Zoe veraanderde Vuch vaan e klei landbouwdörpke in e groet, versteielek industriedörp.

In 1970 voort de gemeinte Vuch opgeluf en touwgeveug aon Mechele.

BronBewirk

Dit artikel is gebaseerd op, meh neet vertaold oet, 't corresponderend Nederlandstaoleg artikel, en wel in dees versie.

 
Gemeinte Mechele (Belsj Limburg)
 
Dörper, gehuchte en buurtsjappe: Mechele (Belsj Limburg) · Vuch · Luit · Meeëzek · Uukhove · Aësde · Grumme · Boorsem · Kotem
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vuch_(Belsj_Limburg)&oldid=451679"