Vickers VC-10

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

---

De Vickers VC-10 is sjtraolvleegtuug van Vickers oet de jaore '60. 't Vleegtuug waerdje door veer motors aangedreve die aan'ne achterkantj van'ne romp waare bevestigdj. 't Toesjtel liektj sjterk op'pe Russische Il-62 Classic

De gesjiedenis

De eerste VC-10 maakdje de eerste vluch op 29 juni 1962 en nog gein twee jaor later vloog 't toesjtel häör eerste vluch veur BOAC, British Overseas Airways Corporation, later omgeduiptj toet British Airways.

Naodet BOAC häör toesjtelle haaj aafgedank, koch de RAF inkele toesjtelle en leet dees omboewe toet tankers. De VC-10C.1.K’s zeen oetgerös mit twee sjlange waar brandjsjtof doorhaer geitj. Dees sjlurve zeen aan 't oetenj van'ne vleugels bevestigdj.

Technische gegaeves VC-10

Lengte: 52,32 m.

Breidte: 44,55 m.

Heugte: 12,04 m.

Max. sjnelheid: 935 km/u

Vleegbereik: 9550 km.