Vich
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
De vich of fienspar (Letien: Picea abies) is 'ne boum oet de dennefemielje (Pinaceae). 't Is 'ne conifeer oet Naord- en Centraal-Europa. Ze wuèrtj väöl aangepaotj in häöf en parke. Ouch wuèrtj ze gebroeke veur kersboum. 'n Vólwasse vich kan toet 50 maeter hoag waere. 't Hout det wuèrtj gewónnen oet de vich hètj vure.
d'n Awdste boum van de werreld is meugelik 'n vich in de Zweedse pervincie Dalarna. De laeftied van deze boum wuèrtj gesjatj róndj de 9550 jaor.