Verzeiping

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Verzeiping van 'n diglyceried.

Verzeiping is 'n biezunjer vorm van hydrolyse. Hydrolyse is 'n chemische reactie wobie 'nen ester in twieë molecule wuuertj gesplits mit behölp van water. Daobie óntsteitj 'n alcohol en e vètzoer. De reactie hètj verzeiping ómdet dees reactie plaatsvindj bieje productie van zeip oet vèt mit behölp van 'n loogoplossing.

Bieje verzeiping van vèt ('nen twieë- of drieveljigen ester van glycerol) óntsteitj 'n oplossing van natrium- of kaliumzate van diverse vètzoere, vriej vètzoeren en glycerol.

CH2-OOC-R - CH-OOC-R - CH2-OOC-R (vèt) + 3 NaOH (of KOH)

verangertj →

CH2-OH -CH-OH - CH2-OH (glycerol) + 3 R-CO2-Na (zeip)

wo R=(CH2)14CH3 in 't veurbeild (rechs)

'n Anger verzeipingsreactie is die wobie oet e vètzoer en loog ónger toeveuging van wurmdje zeip en water óntstaon.