Äöpen houfmenu

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Symboeal det waartj taenge vergiftiging.

Vergiftiging is d'n toestandj dae óntsteit nao 't in- of opnumme van zat vergif die symptome veroearzake. 't Waord wuuert ouch gebroek veure opzèttelike hanjeling veur emes in daen toestandj te bringe.

Wen de sjajelike stóf van zich oet 't lief eweggeit (wie nicotine) traeje klachte pas op wen de innaam de oetsjeijing euversjriedj, zoeadet 't baove de symptoomdörpel oetkump. Wen de innaam de oetsjeijing langdoerig euvertröf, dan truuedj cumulatie (opstapeling) op.

De stófwusjeling kèntj e good deil aan mechanisme veur sjajelike stóffen aaf te braeken of oet te sjeie; in väöl vel is genaezig meugelik door wiejer innaam vanne sjajelike stóf te verkómme, zoeadet 't lief de res kan doon. 't Guuef aevel ouch sómtieds taengegifte of maotregele (wie 'n neerdialyse) veure stóf sneller oet 't lief eweg te kriegen of 't ewegkriege vanne stóf uberhaup meugelik te make.

Opzèttelike vergiftiging vèltj binnen 't straofrech ónger 't delik mishanjeling ('t benaodeile vanne gezóndjheid). 't Vörmp 'n straofverzwaorendje ómstenjigheid. Wen 't slachoffer es e gevolg hievan störf of ernstige gezóndjheidsklachten oplöp is dit 'n extra straofverzwaorendje ómstenjigheid.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vergiftiging&oldid=438654"