Vereinegde Arabische Emiraote

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Vereinegde Arabische Emirate
Basisgegaevens
Officieel taal	Arabisch
Huidsjtad	Abu Dhabi
Sjtaotsvörm	Federatie vaan monarchieë
Sjtaotshoof (lies)	Khalifa bin Zayed Al Nahayan
premier	Mohammed bin Rasjid Al Maktoem
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	82.880 km² -%
Inwoeners – Deechde:	5,432,746 64/km²
Biekómmende gegaeves
Munteinheid	VAE-Dirham (AED)
Tiedzaone	UTC +4
Nationale fiesdaag	2 december
Vouksleed	Îsjî bilâdî
Web | Code | Tel.	.ae | ARE | +971

De Vereinegde Arabische Emirate (aofgekort VAE, officieel الإمارات العربيّة المتّحدة al-Imārāt al-'Arabīyah al-Muttaḥidah) zien e land in 't noorde vaan 't sjiereiland Arabië, aon de Perzische Golf. 't Land is 'n federatie vaan zeve semi-oonaofhenkeleke emiraote: Abu Dhabi, Dubai, Sjarjah, Ajman, Umm al Qaiwan, Ras al-Chaima en Fujairah. Eder emiraat heet 'nen emir, en oet hun midde keze die de president. 't Land grens aon Saoedi-Arabië en Oman. De VAE zien 'n typische oliestaot.

Presidente

Officieel weurt de president um de vief jaor gekoze, meh in de praktijk is 't altied d'n emir vaan Abu Dhabi dee weurt verkoze. Dit maak de functie vaan president in zekere zin èrfelek. Tot nog touw heet 't land de volgende presidente gehad:

President	Emiraot	Tied	Foto
Zayid bin Sultan al Nuhayyan زايد بن سلطان آل نهيان	Abu Dhabi	2 december 1971— 2 november 2004
Maktoem bin Rasjied al-Maktoem a.i. مكتوم بن راشد آل مكتوم	Dubai	2 november 2004— 3 november 2004
Khalifa bin Zayed Al Nahayan خليفة بن زايد آل نهيان	Abu Dhabi	3 november 2004—

Demografie

De bevolking is in mierderheid neet Arabisch en is in 't land goon wèrke in de olie-industrie of heet ziech dao um belastingreies gevesteg. De hèlf vaan de bevolking kump oet Zuid-Azië, veural oet Pakistan; vaan de res koume väöl bewoeners vaan örges aanders in Arabië, oet Europa of oet Oos-Azië.

Historie

D'n horizon vaan Dubai mèt zien extreem hoeg wolkekretsers heet ziech gooddeils in de jaore nul oontwikkeld.

't Land woort in de prehistorie door Arabiere gekoloniseerd. In de zevenden iew woort 't tot d'n islam bekierd; daonao bleef 't ummer oonder Arabisch-islamitischen invlood, al waor 't wieneg bevolk. In de zeventienden iew woort 't gebeed 'ne vrijhave veur pirate; zoewel Portugeze es Arabiere organiseerden aoventouw expedities veur ze te verdrieve. In 1820 kaome de emiraote oonder Brits protectoraot; ze bleve 'n Britse kolonie tot 1971. Al vrij snel nao de oonaofhenkelekheid woort de staoteboond gesmeid tot de federatie wie me ze noe kint. Sinds deen tied heet 't land de evolutie gekind wie me die bij diverse aander oliestaote heet gezeen: aon d'n eine kant modern, aon d'n andere kant hendeg traditioneel en otoritair. Veural Abu Dhabi en Dubai höbbe vaan de touwgenome welvaart geprofiteerd. De lèste stad is allewijl e belaankriek financieel centrum. Aander emiraote zien minder sterk veraanderd.