Venloër Heide
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
De Venloër Heide is ein neteurgebeed aan de Pruuse ziej van de grens beej de Limburgse stad Venlo. 't Gebeed is is bebós mit zoeëwaal naold- es loufbuim. D'r zien ouk klein stökke hei, mer minder es op de Groeëte Heide aan de Venlose ziej. D'r zeen vaerder restante van ein groeët vleegveldcomplex oet d'n Twieëde Waereldaorlog, die me ouk aan de Venlose ziej van de päöl kint zien. Kórtbeej liggende plaatse zien, behauve Venlo, Leuth, Haerunge en Kaldekirke.
't Neteurgebeed wuurt zujelik begrens door d'n A61 en naordelik door d'n A40. Via de B221 bereik me dit gebeed. Dirèk ten oeëste van 't neteurgebeed leet 't Kestiel Krickenbeck, det aan de Krickenbecker Seen leet. 't Reveerke de Nette struimp door deze vievers.