Vauwer

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

't Vauwer ies 'n groate opegewèrkde, ineingetummerde houte poort van planke, die deent es sjarnerende doorgank veur dere, paerd, ringer of landboewmesjienes. 't Vauwer kèn 'n ganse sjtraot of 'ne waeg aafsjlete. 'n Vaeke ies 'n klein sjarnerend houte peurtsje dat gebruuk weurt um 'ne tuin, 'ne koalef, 'ne bóngerd of 'n wei aaf te sjlete. 't Ies 'n opegewèrkde constructie van latte. 'n Poort of paort ies 'n sjarnerende, toew constructie van hout. 'n Breer ies 'n sjarnerende aafsjleting van gesjmeed iezer.

In Mofert zouw de sjtraot- en wieknaam 't Vare zeen aafgeleid van *valder(e) "vauwer".