Vancouver

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

keek euver 't centrum van Vancouver

Vancouver is 'n stad in Canada en vörmp 't centrum van 'n agglomeratie. 't Is wiedoet 't grótste bevolkingscentrum vanne pervinsie Brits-Columbia. De stad ligk ane Straot van Georgia, 'n deilzieë vanne Stil Zuudzieë. De inwoonders vanne stad waere de vancouverites geneump. De stad dank ziene naam anen Ingelse kaptein George Vancouver, 'nen aafstammeling van 't Nederlandjs adellik geslach Van Coeverden. Hae verkanj groeate deil van Brits-Colombia inne achtieëndje ieëw.

De stad zelf haet 662.248 inwoonders (in 2021) en inne ganse agglomeratie wone 2.642.825 luuj. De have van Vancouver is ein vanne wichtigste oppe werreld. Wiejer steit de stad bekandj veure filmindustrie. De stad is etnisch en spraokkundig uters divers; mieë wie de hèlf vanne bevolking behuuert toet 'n minderheid.