Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Très Riches Heures du Duc de Berry (Breurs van Limbörg; tösse 1412 en 1416).

't Vagevuur (spraek oet mit sleiptoean es "va~gevuu~r") of 't purgatorium is in 't Roeams-Katteliek geluif 'n plaats nao de doead wo me wuuertj gestraof veure zunj die me haet begange tiejes 't laeve. Naodet me is bestraof krieg me aangank toet d'n hieëmel, wo me toet 't "ènj der tieje" in waelj (riekdóm) maag laeve in 't biezeen van God.

In 593 woort 't vagevuur toegeveug ane lieër vanne kirk door Paus Gregorius I. 't Vörmdje 'n oplossing veur wie 't kós det luuj die det verdenen innen hieëmel kómme, dewiel ze véúr de gebaordje van Jezus zeen gebaoren en dus dem zien heilboeaje neet höbbe kónnen óntvange. Det lèste is namelik volges de kirkelike lieër de veurwaerd veur inne hieëmel te kómme. 't Perbleem koom veurnamelik ómdet de kirk zich bie dogma's, beveurbeildj det de aerd 't middelpuntj van 't hieëlal zów zeen, zich bereep op veur-christelike gelieërdje. Dees luuj woorten aldus in 't vagevuur ('n saort aan wachkamer veuren hieëmel) gezatte. Zoea kan later waere beslaoten of ze waal of neet nao d'n hieëmel gaon.

Etymologie bewirk

't Waord "vagevuur" is 'n lieëneuverzètting vanoet 't Letien: purgatorius ignis "reinendj vuur". De stam "vage-" zów hiebie verwandj zeen aan "vaege". Vergeliek ouch: Duutsj Fegefeuer

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vagevuur&oldid=410876"