Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


De Norne waeve 't lot of fatum

'ne Vaam gaan is e sjtökske gaan. Vaam is 't zelfde waord es vadem, 'n aow lengtemaot. Ander vorme: vaem (mv), vemke (vw), vaeme (ww) (ned. rijgen), invaeme (ww) (ned. inrijgen).

Symbool bewirk

D'r vaam sjtèèt al hieël lang symbool vör 't lot van 'ne miensj. Zoewal de Griekse Moire es de Noorse Norne sjponne en wove 't lot van edere miensj dör 'ne draod te sjpinne, dem te verwaeve mèt ander dräöd en dan d'r laevesvaam van 'ne waalbepaalde miensj, aaf te sjnieje. Volges de mythes wieër 't laeve van dae miensj da aafgelope.

Ooch 't biegeleuf dat me neet 'n kledingsjtök maog versjtèlle es dat dör 'ne miensj gedrage wert, haat d'r mèt te doeë dat me mèt 't aafsjnieje van d'r vaam, es me vaeërdèg is, ooch d'r laevesvaam zow däörsjnieje.

Sjpraeëkwaoërd bewirk

  • "E is d'r vaam kwiet"; 't verbaand tössje de opèè-volgende gebäörtenisse oontgèèt 'm
  • "Zie laeve hèngt an 'ne zieje vaam"; d'r laevesvaam is da dun, m.a.w. 't is da de vraog of e 't överlaeft
  • "Lange vaam, voele sjnieder" of "Lange vaam, voel nieaersj"; da waor d'r sjnieder of de nieaersj te voel öm dèk 'ne nuje vaam in te vaeme
  • "Ieëmes èng opvaeme"; ieëmes get wies wille make

Kiek ooch bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vaam_(gaan)&oldid=451065"