Ulespegel

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Aafbeelding van Ulespegel oet 1515

Til Ulespegel (Nederlands: Tijl Uilenspiegel, Pruus: Till Eulenspiegel) is e vólksfiguur oet ’t begin vanne 16e ieëw. Hae wuuert veurgestèldj es ’ne nar dae de luuj veure gek heel. ’t Waas ’nen dougeneet dae ummer nötte streke oethaoldje.

Gesjiechte

Ulespegel deej veur ’t ieës opgank róndj 1510 in Pruses. Volges ’t Middelnederduitse volksbook is d’r in 1300 gebaoren in ’t Nedersaksische Kneitlingen.

Volges de Franse roman van Charles de Coster (1827 – 1879) troch d’r inne 16e ieëw door Pruses en de Nederlenj.

Zèkswieze

’t Guuef de nuuedige oetdrökkinge in Limburg van Ulespegel.

• ”De miense hate mich”, zag Ulespegel, ”mer ich höb ’t d’rhaer gemaak!”
• ”Det is éin!” zag Ulespegel, doe sloog d’r zie moder ein oug oet.
• ”Ich gaon gaer bergop!” zag Ulespegel, ”want dan kan ich dalik ouch bergaaf.”
• ” ’t Mót nöt zeen op ’t blasse!” zag Ulespegel, doe sjoeldje d’r zich achter ’n smeelj.
• ”Wo ’t rouk, is ouch hits”, zag Ulespegel en hae wermdje zich aan ènne paerskeutel.