UEFA Nations League

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De UEFA Nations League is 'n twiejaorlekse Europese interlandvoetbalcompetitie, boe alle bij de UEFA aongeslote hierevoetbalèlftalle aon mètdoen. 't Ierste sezoen góng vaan start in september 2018 en indegde in juni 2019. De Nations League moot vrundsjappeleke matche gooddeils vervaange. Wie vrundsjappeleke matche is dit nui toernooj bedoeld um de landeteams, tösse de kwalificaties en indrundes door, in vörm te hawwe. De competitie-opzet, zoewie de meugelekheid um te promovere, te degradere en ziech veur kampioensjappe te plaotse, gief 't toernooj evels 'n dimensie die echte oefenmatche neet höbbe.

Opzat bewirk

De èlftalle (55 in de ierste editie) speule op veer versjèllende niveaus: A, B, C en D. Dao speule ze de ierste sezoenshèlf (d.w.z. veur de winterstop) in poules vaan drei of veer teams. Alle teams vaan 'n poule speule twie kier tegenein, eine kier toes en eine kier oet. 't Gief zèstien poules, veer per niveau.

Wee aon 't ind vaan de ierste sezoenshèlf (ummer in 'n eve jaor) bovenaon indeg, promoveert nao 't boveligkend niveau. Wee oonderaon indeg, degradeert. Teams oet niveau D kinne natuurlek neet degradere. Veur de ierste Nations League woorte de èlftalle ingedeild volgens hunnen UEFA-coëfficiënt: de hoegs geklasseerde len gónge nao niveau A, de liegste nao niveau D.

De veer grópswinners vaan niveau A speule in de twiede sezoenshèlf (in 'n ooneve jaor) in e knock-outsysteem um de grópswins.

Kwalificatie veur EK's en WK's bewirk

De UEFA Nations League beujt ouch de meugelekheid um in te struime in 't Europees kampioensjap daan wel 't Wereldkampioensjap. In 't nui formaot zien de grópswinners vaan de Nations League otomatisch vaan e pläötske in de play-offs verzekerd. Dao doen ze evels allein aon mèt es ze ziech neet direk via de poules kinne kwalificere. De Nations League heet de gewoen kwalificatiematche dus neet vervaange. Umtot de winners vaan alle niveaus ziech veur de play-offs plaotse, make ouch klein voetballendsjes extra kans op deilnaome aon e groet toernooj.

Edities bewirk

Jaorgaank Winner Land indrunde
2018/19 Portugal Portugal
2020/21 n.n.b. n.n.b.

Extern links bewirk


   Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=UEFA_Nations_League&oldid=434878"