Transavia
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
Transavia is ein Nederlandse Low-Budget maatsjappiej en chartermaatsjappiej. De maatsjappiej waerdje eind 1965 opgerich onger de naam Transavia Limburg N.V. en vloog vanaaf thoesbasis Mestreech Aoke Airport. Vanaaf november 1966 haaj Transavia toesjtumming om vanaaf Sjiphol te vleege. De maatsjappiej haetj mit väöl versjillendje vleegtuuge gevlaoge. De grotste vleegtuuge van Transavia waare de Boeing B707's die 't bedrief gekoch haaj en de Airbus A300 dae tiedelik waas geleast. Later waerdje dit toesjtel vervange door inkele Airbus A310’s maar ouch die bleke te groot. Transavia schafdje daorom B737-200’s aan die waal ein kleiner capaciteit haaje, maar baeter pasdjen in de vloot van Transavia. Later waerdje dees B737-200’s door de groter en zuuniger B737-300 en B737-400 vervange. De B737-300 waerdje door Transavia gekoch terwiel de B737-400's waerjde geleast. Al dees vleegtuuge zeen inmiddels vervange door B737-700’s en B737-800’s die ein iets groter capaciteit höbbe maar sjtiller en zuuniger zeen. Daonaeve höbbe ze ouch ein groter vleegbereik.
De huidige vloot
bewirkB737-700W, B737-800W