Topoľčany

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Topoľčany (oetspraok: [ˈtɔpɔʎt͡ʃani]; veur 1920: Veľké Topoľčany; Duutsj: (Groß)topoltschan; Hóngaars: Nagytapolcsány [ˈnɒɟtɒpolt͡ʃaːɲ]) is 'n stad inne Slowaakse regio Nitra. De bevolking ligk róndj de 26.000 inwoonders.

Naam

Me mèndje ieës det de naam Topoľčany aafkoom van topoľ "belleboum". Bus mit bellebuim komen oeatj väöl veur ane overs vanne reveer de Nitra. 'n Nujer verklaoring is van 't Aadslavisch topol “heit, borrendj”, det 'n verwiezing mót zeen nao de wermwaterbrónne die m'n inne middelieëwen hie broekdje.

Gesjiechte

De ieëste sjriftelike vermeljing van 't dörp kump oet 1173.

Veuren Twieëdje Werreldoorlog woondjen inne stad zoea 3.200 joedde, wovan meh 550 d'n oorlog euverlaefdje. Op 24 september 1945 waas inne stad 'ne program taenge die euverlaevers. Bie det antisemitisch gewaldj woren achenvieërtig luuj verlets.