Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


USS Maddox

't Tonkinincident waas 'n kónfrontaasje tösse laegereinheje van Naord-Viëtnam enne Vereinigdje Staote waat daoveur zörgdje det d'n twieëdje drekker betroch woort bieje Viëtnamkrieg. Biejen aanval op 2 augustus 1964 door drie patrouillebuuet van Naord-Viëtnam oppen Amerikaanse torpedoboeatjaeger USS Maddox inne Golf van Tonkin en 'ne gefingeerdjen twieëdjen aanval op 4 augustus 1964. Es vergeljing bómberdeerdje de Amerikaanse lóchmach Naord-Viëtnam veuren ieëste.

Biejen ieëste Naord-Viëtnamesen aanval oppe USS Maddox leep 'nen Amerikaanse vleger sjaaj op. 'n Petroean van 14,5 mm raakdje 't Amerikaans sjeep. Drie Naord-Viëtnamese torpedobuuet lepe sjaaj op door 280 aafgevuurdje granate; hiebie woorte zès opvarendje verlets en stórven 's veer. Anen Amerikaanse kantj goof 't gèn slachoffers.

De politische reaksje waas det inne Vereinigdje Staote de Tonkinresolutie aangenómme woort waat prizzendènt Lyndon B. Johnson volmach goof veur drekke aanvallen in Zuudoeas-Azië, sónger hieveur 'n formeel kriegsverklaoring mit goodkinning van 't Amerikaans Congres nuuedig waas.

d'n Aanval op 2 augustus waas controversieel; de USS Maddox zów veuren aanval 't Naord-Viëtnamees territoriaal water in zeen gevaren en dus de reaksje van det landj oetgelok höbbe. In 2005 woort nag waal bekandj det d'n twieëdjen aanval noeatj plaats gadj haet.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Tonkinincident&oldid=444174"