Terzieterbaek
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Ieëpesj, es te dit dialek sjpriks.
De Terzieterbaek of Sielerbaek is ein baek in Nederlandjs Zuud-Limburg en is ein ziejbaek van de Gäöl. Zie óntsjprink in ’t Brunnekesbosj, dat valkbiej de Belzje grens is gelaege in de buurt van Kesjteël Beusdael. Daonao sjtruimp de baek door de buurtsjappe Terziet en Plaat óm vervolges in de buurt van de Volmeule van Ieëpe oet te mónje in de Gäöl. Óngerwaeg wirt ze gevoed door veer ziejbaeke; De Helbergbaek, de Bredebron, de Froschebron en de Platergrub.
.JPG)
De baek sjtruimp door ein heuvelechtig weijegebeed en meandert zich vriej door 't landjsjap. De totale lengde van de baek is ongeveër 2,1 kilomaeter. De gemiddelde breide is 0,4 pes 1 maeter, biej ein gemiddelde deepde van 0,1 maeter. De gemiddelde sjtruimingssjnelheid is 02 pes 0,4 m/sec.