Terts (gebed)
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
De Terts ('n woord oet 't Latien: tertia hora - derde oer) ies bie de katholieke, ein van de klein oere van de getieje van 't koargebed. 't Gebed volg op de Prime en vingk allewiel um 9 oer sjmörges plaats. In de terts weurt in 't biezunder de oetzending van de Heilige Geis herdach.
De terts besjteit oet 'ne aanroop, 'n hymne, drie psalme, 'n sjrieflezing oet de Biebel, e versj en e sjlotgebed. De Sext en de Noon verloupe 'tzelfde.