Teks

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

---

'n Teks is in de breie zin 'n rits aan talige teikes, wie litters, symboale of klenk die in 'n communicatieve situatie es e gehièl wuèrtj ervare. 'n Teks kan dus zowaal gesjreve es óngesjreve zeen.

't Guèf dus, bie de óngergrens, tekste die slechs bestaont oet ei teike of eine klank. In väöl gevel besteit 'n teks aevel oet 'n aantaal good-geordendje wäörd en zatse, die min of miè coherentie en cohesie vertuène. Aan de baovegrens krieg me den 'n romanteks, e lank gespraek of gewuèn 'nen dialoag tösse twiè persoane.

De samehank en 't communicatief functionere van tekste bestudeertj me in de tekslinguïstiek (samehank) en de pragmatiek (communicatief functionere).