Taolverandering

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Taolverandering is in de historische taolweitesjap de menier woerop taole mèt d'n tied verandere op de gebiede vaan häör grammair, morfologie, syntaxis en semantiek. Taolverandering heet in alle levende taole op eder moment plaots. De studie vaan al dees versjiensele weurt "diachroon taolkunde" geneump. De diachroon taolkunde weurt es zodanig oondersjeie vaan de "synchroon taolkunde".

Oorzake

• economie: de taolgebroekers wèlle ziech tegeliekertied zoe efficiënt en effectief meugelik oetdrukke en de articulatie vaan de klaanke zoe simpel meugelik houwe.
• analogie/ taolcontact
• innovatie
• cultureel umgeving

Taolverandering en sociolinguïstiek

De sociolinguïste Jennifer Coates heet 't versjiensel es volgt besjrieve: "Taolverandering heet plaotsgevonde es 'n nuuje standaardvörm wat binne 'n taolgemeinsjap ierst door 'ne subgroep gebroekt woort is euvergenome door de ander lede van dae gemeinsjap en es algemeine norm geaccepteerd".