Sud Aviation Caravelle
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
De Sud Aviation Caravelle is 'n Frans vleegtuug det door Sud Aviation waerdje geboewjd. 't Waas, net wie de Amerikaanse DC-9, de Ingelse BAC-1-11 en de Russische Tu-134 Crusty, mit twee motors oetgerös die aan'ne sjtert waare gemonteerdj. Ouch haaje dees vleegtuuge relatief grote vleugels en ein hoogteroer det baovenaan de sjtert waas gemonteerdj. De Caravelle waas 't eerste sjtraolverkeersvleegtuug det in Frankriek waerdje ontwikkeldj en geboewdj. Ze waerdje ontwikkeldj om plaats te kinne beeje aan zo’n 52 miense, maar dees capaciteit waerdje later vergroot. D'r waerdje versjillendje versies ontwikkeldj zowie de Mk.12 dae 4,24 m. langer waas dan 't prototype en plaats kos beeje aan max. 140 passageers. Naodet in de jaore ’80 't vleegtuug door väöl maatsjappieje mit taegezin oet deens waerdje gehaoldj omdet ze neet meer economisch waare, waerdje ze doorverkoch om vervolges te waere omgeboewdj toet vrach- of VIP-vleegtuug.
Technische gegaeves
bewirkLengte: 36,23 m.
Breidte: 34,29 m.
Heugte: 9,02 m.
Max. sjnelheid: 825 km/u
Vleegbereik: 4050 km.