De naam beteikent 't hoag kruus. De 25 hoezer van Ge Kruuts sjtoon rónd de krusing van de [[Mergellandroute]] en de weeg Norbik-Sjlennich, vlakbie de grenseuvergank [[De Plank]] mèt 't [[Belsj]]. De helling achter 't veurmalig kloaster riechting [[Böätenake|Beutenake]] en [[Sjlennich|Sjlenake]] weurt ''d'r Piemert'' geneump.
't [[Gehuch]] [[Gekruts]] ([[Gekruis]]) ies 'n [[buurtsjap]] van [[Sjömmert]].
==Bezeenswaerdig==
*'t Veurmalig [[Sepulchrien]]ekloaster, 'n [[kapel]] ter ière van 't [[Heilig]] [[Kruus]] weurt veur 't ièrsj vermeld in 1428. Eind 15e ièw vingk 'n verboewing plaats tot [[priorie]] van de [[kanunnik]]e van 't Heilig Graaf. In de 16e ièw plundere troepe van [[Willem van Oranje]] 't kloaster en sjteke de Sjpaanse soldaote van [[Parma]] de boel in brand. In 1603 weurt 't gehièl wir opgeboewd tot [[kloaster]] mèt jóngeskossjoal. In de [[FransFranse tied]] weurt 't kloaster opgeheve en verkoch. De oastelike vleugel weurt dan 'n landhoes en de kapel 'n [[sjuur]]. In 1870 weure de geboewe besjadig door 'ne brand. In de jaore daonao weure ze wir gerestaureerd. Begin 20e ièw weure ièrsj de [[zuuster (religieuze)|zuustersj]] [[Dominicaan|Dominicanesse]] en later de [[Franciscaan|Franciscanesse]] eigenaresse van 't geboew, dat noe wir de functie van kloaster kriet. In 1965 kump d'r 'n instituut in veur geistelik gehandicapte. In 1979 goon de geboewe in vlamme op. Wat euverblief ies 'n rewien.
*De losliegkende boere[[haof (boerderie)|haof]] ies nog in bedrief.
