'''Vuurwèrk''' is 'n constrùctieconstructie van materiale wie [[karton]], [[papier]], [[plastic]] en [[metaal]], mit dao in óntplofbare en/of brandjbare mingsele van chemische stoffe (ouch waal [[sas (vuurwèrk)|sasse]] genömp) verwèrk, die biej [[Detonator|óntstaeking]] versjèllejnde effècte veroorzake, wie [[leech]], [[geluid]], [[rouk]] of [[bewaeging]]. In vuurwèrk wuurdj duk [[buskruut]] gebroek, det besteit oet [[zwael]] (S), [[koolstof]] (C) en [[salpaeter]] of [[kaliumnitraot]] (KNO<sub>3</sub>). Hiej biej is 't kaliumnitraot de [[zuurstof]]leverancier. Biej de reactie kómme ónger angere de gaasvörmige prodùcteproducte [[Koolmonoxide|CO]], [[Kooldioxide|CO<sub>2</sub>]] en [[Stikstof|N<sub>2</sub>]] vriej, naeve [[kaliumsulfaot]] en -[[kaliumcarbonaot|carbonaot]]. In 't buskruut kan de verhajing tösse de stoffe versjèlle; zoea besteit beveurbeild 'n mingsel van [[kaliumnitraot]], [[koolstof]] en [[zwael]] in 'n gewichsverhajing van 75:15:10. Wiejer besteit d'r flashkruut, det is buskruut wo in ('n deil van) de koolstof is vervange door metaalpoejer. Det is mit name verantjweurdelik veur de kleureffècte van 't vuurwèrk.
d'r Wuuerdj óngersjeid gemaak tösse ''lùslus- of fieësvuurwèrk'' en ''erns- of professionieël vuurwèrk''.
