Baltische taole: Versjèl tösje versies

De Baltische taole laote wie bove gezag 'n groete verwantsjap zien mèt de Slavische taole. Toch nump me euver 't algemein aon tot die bei taolgrope al in de prehistorie versjèllend waore. Roond 't begin vaan de jaortelling laog 't woengebeed vaan de Slave perceis teten zuie vaan dat vaan de [[Balte]]. Mesjiens leke hun taole toen nog zoeväöl opein tot ze oonderein te verstoon waore. In eder geval veurde 't Slavisch versjèllende veranderinge door die in 't Baltisch neet optraoje. Dit gelt veural voor de väöl gepalataliseerde consonante. In de prehistorie oondergóng 't Baltisch ouch invlood, veural op lexicaal gebeed, vaan de [[Germaanse taole]], gesproke aon d'n andere kant vaan de Ooszie. Zoe leit me 't woord ''kuningas'' vaan 't [[Oergermaans]] ''*kuningaz'' aof.