Aan de Romeinse waeg van [[Boulogne sur Mer]] nao [[Kölle]], de [[Via Belgica]] geneump, die hie euver 'n paartrajek kilomaetervan euverinkele kilomaetersj ónder 'n fietspaad löp, sjteit 'n [[kapel]], gewiejd aan [[Maria|Slevevrouw van de Bliej Vrae]], die truukgeit nao 'n baekapel oet 1254 geboewd door de [[Joannieter]]sj. (Later de riddersj van de [[Maltezer Orde]] geneump). In de [[Tachtigjaorige oorlog]] brende de kapel aaf. In 1661 haet de groatcommandeur van [[Alden Biesen]] de kapel wir laote opboewe. Daovan getuug zien waope bove d'n ingank van 't gebuuwke. In 1674 moch [[hièremiet]] Gerardus van Deventer oet [[Terheijden]] neve de kapel 'n [[kloes (weuning)|kloes]] inriechte. In de jaore daonao volgde 14 manne. Zie höbbe de kapel 234 jaor lang ónderhoute, kranke verzörg en ónderwies gegeve. De lètste [[kloezenaer]], Andreas Gielen, sjtorf in 1908, naodat 'r 56 jaor in Helshoven houw verbleve. In de tuin van de kapel sjteit zien sjtandbeeld.
In 1925 woort de kloes aafgebroke. <br>
't Mariabeeld in de kapel woort bie 'n bezeuk van [[paus Johannes Paulus ll]] in 1985 in [[Ieper]] gewiejd. Binne sjteit 'ne [[praeksjtool]] in [[gotiek|gotische]] sjtiel oet 1550 en 'ne [[biech]]sjtool oet 1570.
