Vitsje: Versjèl tösje versies

Verwijderde inhoud Toegevoegde inhoud
Mergelsberg (Euverlèk | biedrages)
Geen bewerkingssamenvatting
Mergelsberg (Euverlèk | biedrages)
Tekslien 8:
In g'n Vitsje vindt me 'n groeëte [[greendkoel]]. Dat [[maasgreend]] waoërt in vreuge tieje gebroekt um ''de waeg te botte''. In d'r tied dat de waeg nog neet verhard waoërte mèt asfalt, doog zich in heuvelachtège gebiede 't volgende versjiensel vör. De waeg waoërte begange dör paeërd mèt karre. Op de plaatsje oeë de rajer van de karre voeërte, waoërt d'r groond losgemakt. Bie 'n fleenke raeëgebuuj sjpeulde dae losse groond van d'r häövel aaf. D'r waeëg waoërt op die plaatsje wie langer wie mieë èè-gesjlaeëte, dör erosie. Zoe oontsjtèèt 'n karresjpoor, dat op d'r doeër zoe deep èè-gesjlaeëte is dat 't neet mie te begoeë is vör paeërd en kaar. Dör de waeg te botte (de depe, sjpitse karresjpaoëre op te vulle) mèt 't greend bleef d'r waeëg te begoeë. Soms waor de erosie e-zoe sjtaerk dat me 'ne nuuje waeg moes aanlègke, zoewie op [[Brook]] of in d'r [[Krindel]].
 
== Maasgreend ==
 
't Greend in de koele va [[Voere (dörp)|Voere]] is maasgreend dat lang vör de [[Iestieje]], tiendens welke ooch 't Noor- en Voordal pas oetgesjlaeëte zeunt, dör de [[Maas]] hoeëg baove Voere is neergelag. Tiedens de Iestieje is dat greend mèt nao oonder getransporteerd. 't Maasgreend besjtèèt oet ''gerolde'' sjtèng - sjteng die dör 't verveur per water väöl taege-n-èèn rolde en daodör gèng sjerpe kaante mie haant - die zich neet hie vörmde, mae oeëts dör de Maas oet zuideleker sjtieëke zeunt mitgenaome.
[[categorie:Voere]]
{{GemeinteVoere (gemeinte)}}
Aafkomstig van Wikipedia, de Vriej Encyclopedie. "https://li.wikipedia.org/wiki/Vitsje"