De [[kèrk|St. Bricekèrk]] liegkt op 'n [[motte]] en d'r roond liegkt 'n kèrkhof. In d'r kèrkhofmoeër zeunt 18de ieëwse graafsjtèng ingemetseld. Hommerig makt landsjappelek bezieë deel oet van 't [[Laand va Herf]].
Lang is 't dörp verdeeld gewes in ''Joepe'' en ''Britse''. Huutsedaag wert in de [[broeweriej]] ''Grain d'Orge'' 'n [[beer|trapistebèèr]] gemakt mèt die name.
't [[Amerikaans kèrkhof Henri-Chapelle]] liegkt op Amerikaanse groond, mae väördat d'r groond däör de Belsje regering gesjoonke waoërt es daank väör de bevrijding, waor dit 'n dèèl va Hommerig. Op dit kèrkhof zeunt [[VS|Amerikane]] begrave, die tijdens d'r [[Twiede Wereldoorlog|Twieëde waeltkrèèg]] tiedens väörnamelek 't [[Ardenneroffensief]] sjneuvelde. Op de aafbeelding is 't monumaent te zieë, mèt rechs 'n informatieruimte en leenks 'n [[kapel|bezinningskapel]]. Op de pilaere zeunt name van gesjneuvelde soldaote gegraveerd. 't Staandbeeld is 'n beeld van d'r aartsèngel Gabriël dae de gesjneuvelde 'ne lauwerkraans toewèrpt. Achter 't monumaent bevindt zich 't kèrkhof mèt doezende witte [[marmer|carrara-marmere]] [[kruus|kruutser]].
An de överziej van d'r waeg, dus achter d'r fotgraaf van de aafbeelding, haat me 'n good oetzich över de U-vörm van 't dal van de [[Berwien]]. Die U-vörm is typisch väör dale die in [[iestieje]] dör [[gletsjer|gletsjers]] zeunt oontsjtande.
