Lucianus: Versjèl tösje versies

Verwijderde inhoud Toegevoegde inhoud
Mergelsberg (Euverlèk | biedrages)
Mergelsberg (Euverlèk | biedrages)
Geen bewerkingssamenvatting
Tekslien 18:
 
Wie Lucianus de fieftèg gepasseerd waor krèèg-e in [[171]] 'n belangrieke funktie bie de keizerlijke administratie in [[Egypte]] aa-gebaoje. In [[177]] kieërde-e wer nao Athene truuk. Wienië Lucianus zjuus gesjtorve is, weet v'r neet. In èng van z'n gesjrifte verwiest-e nao d'r doeëd va keizer Marcus Aurelius in 't jaor [[180]].
 
 
== 't Riek van de doeëje ==
De Grieke miengde dat ze nao hun begrafenis in de oonderwaelt terechkieëme mèt ene sjtuver oonder de tong. [[Hermes]] waes ze dan d'r waeg nao de reveer de [[Styx]] en d'r vaermaan ''Charon''. An d'r uvverkaant moesse ze ''Charon'' dae sjtuver betale, dae 'm dao aafgoof an ''Aeacus'', dae in de doeëjedialoge de funktie haat va gaeldinzamelaer en, same mèt d'r hellehoond ''Cerberus'', d'r väörnaamste sjèldwach van de oonderwaelt. De sjimmige doeëje moesse zich nao aankomst melde bie ''Minos'', dae de leiding how bie 't gerechshof en 't vonnis oetsjprook: wae braaf waor gewes gong nao 't [[eiland van de gelukzalige]] of de ''Elyseïsche vaelder'' mae de bandiete sjrong 'n groeëte variatie an sjtraove te wachte. De allerergste waoërte in de ''Pyriphlegeton'', de brennede reveer, gebroejd en tiranne waoërte nao ''Chimaera'', 't vuursjpujende moonster, brach. D'r [[scepter]] in de oonderwaelt waor in heng va [[Hades]] of [[Pluto]], same mèt z'n vrow [[Persephone]].
Op de cynici nao, von nieëmes 't plezerig in 't doeëjeriek. De mètste droonke da ooch van 't water oet de [[Lethe]], dat hun aal, wat ze bie laeve paraat gemakd howwe, doog vergaeëte.
De doeëje werre in de dialoge aafgebeeld es [[skelet|skelette]], die in niks van-èè te oondersjèjje zeunt, oonsjterfelek en¨, messjie wal daodeur, klagerig. De doeëje moesse zich oontdoeë va alle ballast, zoewie de seeraode en de klèjjer mae ooch van hun vlèèsj en èègensjappe. Behalve dan 'n paar goo luuj, die Lucianus allèng mer bie de cynici aa-trèft.
 
== De cynici ==
De cynici bezèènte hun filosofie es 'n meneer va in 't laeve sjtoeë. Centraal in de laevespraktijk van de cynici is de oonaafhankelekhèèd of ''autarkeia''. D'r cynicus sjtèlde zich es ideaal um vrie te zieë va alle aerdse verlanges en hechde gèng waeërd an wat väör 'n maatsjappeleke conventie dan ooch.
 
De laevenshouding van de cynici kieëm gaans uvverèè mèt Lucianus' aafkieër va aal wat uterlek vertoeën en flauweköl is. In de doeëjedialoge kaome de volgende cynici väör:
*''Antisthenes'': dae lès goof in 't Kynosarges-gymnasium in Athene;
*[[Diogenes]]: dae in Athene dör z'n optraejes d'r naam kyoon of hoond kreeg. In kyoon kènt dr oorsjprong va cynici liegke.
*[[Crates]]: dae al z'ne riekdom verdeelde oonder de luuj
*''Minippos'': 'n gewaeze sjlaaf dae Lucianus 't mètste en 't brutaalste an 't waoërd lut kaome. Minippus koom ooch oet Syrië en uvver zie laeve is hos niks gewete. In d'r twiede ieëw waor ooch neet väöl mie van häöm bewaard blaeve, bies dat Lucianus ze, wie-e èèges gruuëtsj sjrieft, ''opgegrave'' how.
 
== Waerk ==
Aafkomstig van Wikipedia, de Vriej Encyclopedie. "https://li.wikipedia.org/wiki/Lucianus"