Wikipedia:Wie sjrief ich Limburgs: Versjèl tösje versies

Verwijderde inhoud Toegevoegde inhoud
Tekslien 19:
In principe sjrief jeder hie in zien eige dialek. Begins doe e nuuj artikel, dan is 't sumpel: de zèts mer <nowiki>{{dialek|...}}</nowiki> baovenaan, woebie de puntjes sjtaon veur 't dialek det doe gebroek höbs. Sjpriks doe bieveurbeeld Zösters, dan weurt 't dus <nowiki>{{dialek|Zösters}}</nowiki>.
 
Bie artikele die al besjtaon lik 't kómplekser. Meistal sjteit dan debaove: ''Dit artikel is gesjreve in 't ... 't Weurt gewaardeerd óm woe meugelik 't ... aan te hawte''. Det sjtilt dich natuurlik veur probleme. Hauwe v'r noe 't veurbild van 't Zösters es modertaal aan, en bove 'n artikel sjteit det me 't Mestreechs mót aanhauwe, dan is 'n vraog wie "Wie mót ich noe weite wie me eint of angert in 't Mestreechs zaet?" of "Weurt noe van mich verwach det ich alle Limburgse dialekte behiersj?" neet óndènkbaar. V'r kónne dich gerössjtèlle: van nemes weurt verwach det hae alle 550 Limburgse dialekte behiersj. Hie zitte e paar taalkundig óngerlagte luuj die gans get kènnis höbbe van de versjillende dialekte (al zèkge ze 't zelf...) mer ouch die weite neet alles. Nei, 't belangriekste waatwaats dete in de gater hauwe mós is detdets dete neet binne eine zin nog wäörd oet versjillende dialekte kriegs. Es te ein wäördsje wils verangere, perbeer det dan in de geis van de teks te hauwe. Mer es te 'n ganse alinea debiesjriefs, dan weurt 't get angers. In det geval kans te bieveurbeeld <nowiki>{{dialeksec|Zösters}}</nowiki> baove die alinea zètte en dan kump d'r käörig in 't artikel te sjtaon in welk dialek de alinea gesjreve is.
 
Veur algemein tekste gebroeke v'r 't [[Algemein Gesjreve Limburgs]], ouch bekènd es AGL. Dit is 'n poging óm ein saort van Limburgse sjtanderdsjrieftaal te creëre die baove de dialekte sjteit en woerin van mierdere Limburgse dialekte kinmerke verwirk zeen. Memènteel blief 't gebroek bie ons beperk tot dinger wie de Huidpazjena, d'n interface en beleidstekste. Ouch dees pazjena is d'rin gesjreve. De bis aevel wilkóm óm artikele in 't AGL te sjrieve. Mer 't is zeker neet verplich, v'r vènje 't zjus good det artikele in väöl versjeije dialekte gesjreve waere! Diksjenaere veur 't AGL zeen [http://www.limburghuis.nl hie] te vènje.
Aafkomstig van Wikipedia, de Vriej Encyclopedie. "https://li.wikipedia.org/wiki/Wikipedia:Wie_sjrief_ich_Limburgs"