Korewouf: Versjèl tösje versies

Verwijderde inhoud Toegevoegde inhoud
Mergelsberg (Euverlèk | biedrages)
Mergelsberg (Euverlèk | biedrages)
→‎Biotoop: weenterbörch d'r bie
Tekslien 9:
==Biotoop==
Hae laef allein en haet ‘ne natuurlike drang um te hamstere veur de wintermaonde. Veural in ’t sjièmerduuster en sjnachs geit ‘r op paad um ete te vinge. 't Ete weurt bewaard in zien hangwange, dat later mèt zien veurpuètsjes verplaats weurt in de veurraodkamersj.
Veural in de Zuud Limburgse [[löss|lössgrónd]]grónd veult’r ziech thoes. Umdat ’t kore in vreuger jaore mèt de hand in de sjtoeppel woort gelag (mèt de [[ziech]] gemièjd), woort vanzelf de verbliefplaats opgemerk. Die besjteit oet ’n börch, ‘ne berg opgegoajde drek, woa-in loker gegrave zint zoa groat es ’n voes. Dat zint de vlöchgeng van ’t ónderaerds verblief besjtaonde oet veurraodkamersj en ’n nès. ’t Nès liek op de deepste plek. ’n Hoeveelheid verzameld graan van 10 kilo ies normaal. Daoneve hamstert hae boane, zaod, wortele, vröchte en sjtengele van ónkroed, zoa es [[Piesbloom]], [[Mèlkdiestel]] en [[Hazegerf]]. Daoneve deerlik voor es [[insecte]], [[sjlek]]ke; [[wörm]] en zelfs [[kwakkert]]e, [[moes|muus]] en jóng veugelkes.
Es 't herfs weurt maak de korewouf alle loker toe mèt drek en grave hun weenterbörch, die tot dreij meter deep kan zeen. Deep ónder in 't nès zal 'r tot april ziene wintersjlaop houte. Zien liechaamstemperatuur daalt daobie tot 5°C. De sjlaop weurt um de 5 tot 7 daag ónderbroke um get te ete oet ziene veurraod. <br>
 
==Veurtplanting==
In april briek de paartied aan. Dan prietsje de mennekes 't nès in, binne 't territorium van 't wiefke, woa ze nao de paartied metein wir d'r oet weure gejaag. 2 of 3 Jónge weure in eine wörp gebore, sóms drie kièr per jaor. Nao eine maond zint die volwasse. Ze verlaote dan ’t nes um ’n eige te sjtiechte.
Aafkomstig van Wikipedia, de Vriej Encyclopedie. "https://li.wikipedia.org/wiki/Korewouf"