Coevorden weurt veur 't iers geneump in [[1036]] en daonao nog ins in [[1148]]. De naom liet ziech verklaore es ''oondepe plaots in de reveerrevier'' (voord) ''boe me de keuj liet doorloupe''. Vaanaof [[1141]] kump Coevorden in han vaan 'ne burggraof, dee lienmaan is veur de [[bisjop]] vaan [[Utrei (stad)|Utrei]]. Die hiere vaan Coevorden gedraogegedroge ziech al gaw oonaofhenkelik vaan de bisjop, wat tot 'ne ganse reeks oorloge leit. Oondanks de militair euvermach vaan de bisjop weure de meiste door de hiere gewonne, al wèt de bisjop hun mach in [[1230]] tiedeliktijdelik te breke. Vaanaof [[1288]]] breie ze hun mach oet tot wied boete de grenze vaan 't modern Drente, tot in d'n tegewaordegentegewoordegen [[Achterhook]] en in Nedersakse. 't Geslag zal tot [[1402]] blieve bestoon. In dat jaor maak de bisjop 'n ind aon de hierlikheid Drente en behèlt 't geslach Coevorden allein zien bezittinge daoboete. In [[1407]] krijg de plaots Coevorden [[stadsrechte]]; daomèt is 't de einege historische stad vaan Drente ([[Asse]] en [[Meppel]] höbbe ouch stadsrechte, meh die kraoge ze väöl later oonder keuning [[Lowie Napoleon]]).
In de zestiende iew kump Coevorden, mèt Drente, aon de hertoge vaan [[Gelre]], mèt 'n korte oonderbreking oonder de bisjop vaan Munster. Vaanaof [[1536]] maak 't deil oet vaan 't riek vaan [[Sjarel V]]; nao dee z'nen doed waor 't in [[Spaanje|Spaonse]] han. Bij d'n [[Tachtetegjäöregen Oorlog|Opstand]] koos 't de kant vaan de prins. In [[1581]] woort de stad door de Spaanjerds vereuverd. Wie de Staotse 't in [[1591]] weer innaome brandde Spaonse legers de stad plat; ze mós dus nui opgebouwd weure. Dao kaom 'n nui vesting nao 't plan vaan [[Menno van Coehorn]]. Ouch in 't "Rampjaor" [[1672]] woort Coevorden 't tenieltoniel vaan oorlog, woebij 't kort in 't bezit kaom vaan bisjop [[Bernhard vaan Galen]] vaan Munster, bijgenaomp ''Bómmeberend''. Heer perbeerde zelfs de stad oonder water te zètte um ze trök te winne.
In de [[achtiende iew]] kaom Coevorden tot verval. 't Veen in de umgeving raakde laanksemaon aofgegrave en Coevorden raakde zien aw positie es binnehave kwiet aon noordeliker plaotse, boe me ziech noe mèt de törfwinning bezegheel. Tege 't ind vaan de achtiende iew raakde de stad partiottisch gezind. Nao de val vaan Napoleon waor Coevorden ein vaan de wienege plaotse boe de Franse legers tot [[1814]] achterblaoveachterbleve. In de negentiende en twintegste iew raakde Coevorden ummer mie beteikenis kwiet aon snel greujende dörper wie [[Asse]], [[Emme]] en [[Hoogeveen]]. In [[1998]] woort 't groondgebeed oetgebreid mèt de aw gemeintes Dalen, Oosterhesselen, Sleen en Zweeloo.
