In de jaore zesteg speulde Indiase mystiek 'n groete rol bij de tegecultuur; daovaan profiteerde de Maharishi door bij väöl westerlinge de TM te oonderwieze. Zoe waore de [[Beatles]] en de [[Beach Boys]] zien lierlinge (zuug ouch [[Hare Krishna]]). Later zouwe [[Clint Eastwood]] en [[David Lynch]] ouch zien lier goon beoefene. Volges hun eige promotiemateriaol höbbe intösse neet minder es vief aon zes miljoen lui de beginsele vaan de TM oonderweze gekraoge.
Aon 't ind vaan de jaore negeteg[[1990]] vestegde heer ziech in [[Vlórp]], gemeinte [[Roerdale]], woe heer op 't terrein vaan 'n aajd-kloester in [[Nationaol Park]] [[De Meinweg]], kortbij de naobersjap [[Vlórp-Sjtatie]] e cintrum veur zien meditatielier leet bouwe. In [[oktober]] [[2000]] reep heer dao de "[[Global Country of World Peace]]" oet. In 't dörp Vlórp greujden 'r oet tot 'ne cultfiguur, en hei kin me inmiddels op väöl plaotse betaole mèt de [[raam]], 't geld vaan de Global Country. Zien eis tot 't kloester op zie terrein aofgebroke mós weure umtot 't zuidoostelik, neet oostelik georiënteerd waor (en daodoor de harmonie op zien universiteit zouw versteure; zien volgelinge waore al begós) heet 'm evels in probleme gebrach mèt 't gemeintebestuur.
