Suske en Wiske: Versjèl tösje versies

{{dialek|Valkebergs}}

[[Image:Suske en Wiske muurschildering.jpg|thumb|right|De belangriekste personages van Suske en Wiske op 'n moersjildering in [[Brussel]] ]]

'''Suske en Wiske''' zint de hoofpersonages oet 'n reeks [[Vlaandere (gewes)|Vlaamse]] [[sjtripverhaol]]e mèt dezelfde naam. De sjtrip ies bedach door [[Willy Vandersteen]]. De hoofpersone zint twiè kinger, 't jungske [[Suske]] (aafkorting van Franciscus) en 't maedsje [[Wiske]] (aafkorting van Louise). Vandersteen begoes de serie in [[1945]]. 't Ièrsjte album waor ''Rikki en Wiske in Chokowakije'', hie-in kump èvvel Suske nog neet veur en belaef Wiske 'n avontuur mèt ziene broor [[Rikki]]. Vanaaf 't twiède album, ''Op het eiland Amoras'', verdwient Rikki oet beeld en weurt Suske, 'ne jóng van óngevaer dezelfde laeftied es Wiske, ein van de hoofpersone. Vanaaf 1972 kreeg [[Paul Geerts]], dae es assistent van Vandersteen al väöl teikenwerk houw euvergenómme, de eindverantwoordelikheid euver de sjtrip. Geerts woort in 2002 opgevolg door [[Marc Verhaegen]], dae nao 'ne ruzie mèt [[Studio Vandersteen]] woort vervange door 'n team teikenaersj ónder leijing van [[Luc Morjaeu]] en 'n team scenariosjrieversj ónder leijing van [[Peter van Gught]].

 

 

==Belangriekste personages==

## [[Vlaamse twièkleurereeks]] (1959-1964)

## [[Hollandse twièkleurereeks]] (1959-1964)

## [[Veerkleurereeks]] (1967-noe)

# [[Blauw reeks]] (1952-1957)

De albums van Suske en Wiske zint vertaald in 'ne houp tale en sjtreektale. In 't [[Limburgs]] zint tot noe toe drie albums vertaald: ''[[De bokkeriejersj]]'' (''De bokkenrijders'') in 1997, ''[[De joker aafgetroef]]'' (''De kaartendans'') in 1999 en ''[[De Waerwouf van leëtselder]]'' (''Volle maan'') in 2005. Edere persoon in 't verhaol, in de Limburgse editie, 'kalt' dao-in ein ander dialek. De vertaling gebeurde door [[Veldeke-Limburg]].

 

 

==Extern links==

*[http://suskeenwiske.ophetwww.net/ Suske en Wiske op 't WWW]