Sjerpenheuvel-Zichem: Versjèl tösje versies

De gemeinte haet veural 'n woonfunctie veur [[forens|forenze]]. D'r ies wiènig industrie gevestig. Sjerpenheuvel ies de belangriekste [[baevaart]]splaats van Belsj. Toeristisch belangriek zint Zichem, es geboorteplaats van de sjriever [[Ernest Claes]] (in zienziene roman ''De Witte'' sjpeelt Zichem 'n belangrieke rol), en Averbode mèt zien [[norbertijne]]rabdij en umliegkend recreatiegebeed. Messelbroek ies nog sjterk agrarisch.

De gemeinte besjteit oet 'n aantal sjtedsjes en dörper, die me allewiel es liech versjtedelik gebeed kènt besjouwe. Sjerpenheuvel ies geboewd róndum zien [[basiliek]] en haet 'n gróndplan in de vörm van 'n zevepuntige sjter. Zichem haet 'n mertplein mèt 17e- en 18e-ièwse hoezer. De Sint-Eustachiuskèrk dateert oet de 14e tot de 16e ièw en ies geboewd in [[gotiek|gotische]] sjtiel. De Abdij van Averbode haet 'n barokke abdijkèrk oet de 17e ièw.

[[Image:Belgie scherpenheuvel basiliek02.jpg|thumb|[[Basiliek]] van Sjerpenheuvel]]

Zichem waor 'n belangrieke sjtad in 't [[hertogdom Brabant]]. In [[1134]] woort de sjtad veur 't ièrsj sjrieftelik vermeld es ''Sichene''. De sjtad woort in de 14e ièw versjterk en d'r woort 'n burch geboewd. 't Góng de sjtad economisch tamelik good; veural de lake-industrie en vièteelt waore belangriek. Vanaaf 't mieddemiede van de 15e ièw raakde de sjtad in verval. In [[1578]] waor Zichem 'n sjtriedtoneel in de godsdeensoorloge. De [[Sjpanje|Sjpaanse]] veldhièr [[Alexander Farnese]] houw gehuèrd dat Zichem ziech verzat tege de euvergaaf aan Sjpanje. Farnese veel aan en de bevolking van Zichem woort oetgemaord en de sjtad woort platgebrend.

Aan 't ing van de 16e ièw kaom de Mariaverièring[[Maria]]verièring in Sjerpenheuvel good op geng. Me verièrde hie e miraculeus Mariabeeldsje. Sjerpenheuvel waor ummer e gehuch van Zichem gewaes, meh door de greujende populariteit es baevaartsoord greujde 't oet tot 'n sjtad. In [[1605]] kreeg 't [[sjtadsrechte]].