'''Sjoanbrón''', plaatselik ouch '''Sjuèmer''' geneump, (Nederlands '''Schoonbron''') is 'n [[gehuch]] aan d'r groate waeg tösje [[Sjtröch]] en [[Wielder]] in de [[gemeinte]] [[Valkeberg]] a/daan de [[Geul]]. Op ’n kaart oet 1840 sjteit Schonboren en op kaarte oet 1866 en 1924 sjteit Schoonborn gedrök. D'r naam zou trukgoon op de sjoan, zuver brónne die hie oet d'r grónd borrele. De brónne loupe richting de [[Geul]], die ouch door dit gehuch löp. De brónne ligke op de Hoagbaek.
Sjoanbrón is nauw verweve mèt de buurtsjap ''Sjuèmer'' of ''Sjueëmer''. Sjuèmer ofen Sjuuëmer zouwe etymologisch d'r zelfde achtergrónd höbbe. De [[Sjuèmerbaek]] sjtruimp in de buurt. Get wiejerop richting [[Ranzel|Ransdaal]] lik de buurtsjap [[Opsjuuëmer]] of [[Opsjuèmer]].
'n Deil van de buurtsjap huèrde tot 1982 tot de gemeinte [[Wielder]]. Allewiel is 't aan [[Sjtröch]] vasgegreujd.
