Bieste

De diere zien de lede vaan 't diereriek, eine vaan de veer of vief rieke boe-in de modern biologie organismes eindeilt. Ze vörme de best gedocuminteerde houfgroop vaan organisme. de definitie vaan 'n dier is tamelik sjerp: e dier is 'n organisme tot zoerstof einaosemt, kooldioxide oetaosemt, en in ziene cel of zien celle gein celwand en gein bladgreunkorrels heet, meh wel 'n celkirn en celmembraan. Meistens kin e dier ziechzelf bewege of weurt 't door zien omgeving vaan d'n eine nao d'n aandere plaots bewoge; zoe kin e dier väöl gemekeliker aon vojing koume es 'n plant.

't Diereriek weurt (wel) zoe eingedeild:

• Protozoa (Eincellege diere)
• Parazoa (Sponze)
• Mesozoa†
• Radiata (Holtediere)
• Acoelomata (Platte wörm)
• Pseudocoelomata
• Eucoelomata
  • Protocoelomata
    • Brachiopoda (Kortpoetege)
    • Mosdierkes
    • Phoronida
    • Weikdiere
    • Sipunculoidea
    • Euchiuroidea
    • Geleej wörm
    • Pentastomida
    • Onychophora
    • Beerdierkes
    • Gelidpoetege
  • Deuterocoelomata
    • Pielwörm
    • Steikelhoedege
    • Hemichordata
    • Baardwörm
    • Chordata

Dees indeiling is, behave aon de basis, veural evolutionair gedach: d'n aondach is absoluut neet gliek verdeild euver de versjèllende categorieë. De chordata, boetouw ouch de mins behuurt, zien veur de meiste lui de interessantste groop.