* 'n Aantal [[vakwerk]][[haof (boerderie)|häöf]] en hoezer. Sjweeberigerhöfke sjtamp oet 1743.
* De Sjeeberigerbösj[[Sjweeberigerbösj]], de [[Kruusbösj]] en de [[Molt]] zint [[hellingbösj]] mèt diverse soorte buim op de huègdes: [[eik]], [[berk]], [[liesterbes]] en [[höls]]. Liègeraaf sjtoon [[haagbeuk]], [[èsj]], zeute [[keersj]] en [[hazelaer]]. Op de baom greuje de [[adelaersvaren]], de blauw [[bosbes]], 't [[Meizäödsje (Convallaria)|meizäödsje]] (Lelietje der Dalen), [[Mariabèdsjtruè]] (of Waldmeister), [[Muskuskroed]], [[Maelpaume]] (Maagdenpalm) en de [[kèrkesjleutel]]. Ouch 'n paar soorte [[orchidee|orchideë]] op sómmige plekke.
Door de bösj weure ouw eigendómsgrenze aangegeve door [[reinsjtein]] (grenssjtein) en grensbuim. Initiale geve de name van de eigenaersj en of gebrukersj aan. De verwering van de kalksjtein haet tot 't óntsjtoon van 'n laog [[vuursjtein]]eluvium geleid. Ouch óntwiekkelde ziech hie de zoageneumde [[orgelpiepörgelpiep]]e. Versjpreid door de bösj liegke kómpvörmige koele, die wieze op verzakkinge. Dit weure [[doline]]s geneump. Hievan liegke d'rsj tièntalle in dees bösj.
't Gebeed weurt beheerd door [[Sjtaatsbosbeheer]].
