Mit '''Mofert''' kónne versjillende dinge bedoeld waere.
*De [[Mofert (stad)|stad Mofert]].`n [[Stad]] in de Nederlandse provincie [[Hollesj Lèmburg|Limburg]].
*`t [[Kestieël Mofert]]. `n [[Kestieël]] vlakbie de stad Mofert.
*De [[Hieërlikheid Mofert]]. `n [[Hieërlikheid]] in de [[middelieëwe]]. (?-[[1277]])
*`t [[Amb Mofert (bestuursdistric)|Amb Mofert]]. `n Bestuursdistric in `t [[Euverkwarteer]] van [[Gelder]]. ([[1277]]-[[1794]])
*De [[Amb Mofert (gemèndje)|gemèndje Amb Mofert]]. Veurmalige [[gemèndje]] in de Nederlandse provincie Limburg.([[1994]] t/m [[2006]])
==De naam ''Mofert''==
De naam ''Mofert'' kump in versjillende variaties veur. Vreuger nome de luuj `t bliekbaar neet zoea nej mitte spelling van plaatsname. Angere variaties vanne plaatsnaam ''Mofert'' zeen: ''Montfort'' (de huidige Nederlandse naam van Mofert), ''Monfort'', ''Monford'', ''Moford'', ''Monfoird'', ''Monffoirt'' en ''Montfoort''. De spelling ''Mofert'' kump in middelieëwse documente neet veur en duuk pas in [[1906]] op. In [[vastelaovesgezèt]] [[Den Uul van den Grauwert (vastelaovesgezèt)|"Den Uul van den Grauwert"]] van det jaor weurd veur `t ieërs ''Mofert'' gesjreve. Opmèrkelik is, det ''Mofert'' doe consequent mit ein ''o'' gespeld waerde, terwiel in daen tied `t gebroekelik waas óm `ne lange klinker dubbel te sjrieve.
===Verklaoringe===
D'r zeen versjillende verklaoringe veur de naam te gaeve. Beide theorieje kónne auch de naam van de stad [[Montfoort]] inne provincie Utrecht verklaore.
====Montfort====
De naam ''Montfort'' kan `n sametrèkking zeen van ''Mons Fortis'', waat letterlijk ''sterke berg'' of ''versterkte berg'' beteikendj. ''Montfort'' waas in de tied det [[Kestieël Mofert]] geboewd waerde `ne mode-naam veur kestieële. In [[Frankriek]] lègke nag gans get kestieële en plaatse mit dezelfde naam. ''Mont'' kan behalve ''berg'' auch de beteikenis van `n burch höbbe. Dan zou ''Montfort'' beteikene ''sterke burch''.
====Montfoort====
`n Angere theorie is mieër gebaseert op ''Montfoort'', wobie ''foort'' of ''voort'' `n doorwaadbare plaats in `n rivier beteikendj. Tösse Kestieël Mofert en de stad Mofert zou `n doorwaadbare plaats motte zeen gewaes in de [[Vloeatbaek]]. Montfoort zou dan ''de berg bie de voorde'' of ''de burch bie de voorde'' kónne beteikene.
