Hertog

'ne Hertog is 'ne hoeëge adellike of sóms ooch vórstelike titel in Europa, hoeëger es 'ne graaf meh lieëger es 'ne keuning. 'ne Vrouwelike hertog heit 'n hertogin, es ooch de vrouw van 'ne hertog.

Oeërsjprónkelik waoër 'ne hertog 'ne Germaanse legeraavoorder deë gekaoëze woeërt i tieje va kreëg. Biej de Franke waoër 't ooch d'r besjtuuërder van e besjtimd gebeed, en dizze titel woeërt later erfelik. Naoë óngeveër 1700 woeërt d'r titel hertog ooch vergeëve aa miensje deë biezónger prestaties geleëverd houwe en waoër de titel losgemak va landerieë zoeë-es dat vreuger waoër.

Väöël hertogdómme i d'r ouwe beteikenis zint later verheëve tot keuninkrieke of opgegaoë i groeëtere rieke. Sómmige leng zint nog verdeild i hertogdómme. Luxemburg is nog ummer e ónaafhenkelik groeëthertogdóm.

't Belsj en Nederland kinne nog 'ne symbolise hertogtitel; zoeë weërd de Belsje kroeënprins d'r Hertog va Brabant geneump en 't Nederlandse sjtaatshoof d'r Hertog va Limburg.