Venloos: Versjèl tösje versies

't '''Venloos''' is 't [[Limburgs]] [[dialek]] gespraoke in de stad [[Venlo]], in [[Blierik]], in [[Houblierik]] en in [['t Ven]]. Al dees kerne hebbe verschille in eur spraok, maar die zien door d'n taligen drök van de stad Venlo minimaal gewaore. Ein klein greupke ander dialekte, wae-onder 't [[Aarces]], zien stèrk aan 't Venloos verwant. De plaatse [[Tegele]] en [[Belvend]], die aukouk in de gemeinte Venlo ligge, hebbe vuul ander dialekte.

Binne de [[Limburgse dialekte]] neme 't Venloos en 't Aarces 'n unieke plaats in, umtot de [[Noordlimburgse barrièr]], die vanaaf [[Wieërt|Wiert]] 'n duudelike grens trèk tösse 't Limburg aan de zuudkant en 't [[Braobants]]/[[Zuud-Gelders]] aan de noordkant, zich beej Venlo spliet in ein bundelke wat euver Venlo haer trèk, en ein bundelke wat tösse Venlo en Tegele doorgeit. De [[betoëningslien]], de [[doe-gijlien]] en de verschillende klinkerisoglosses gaon bovenaeve, de [[Panninger Linie]] en de [[Panninger Seitenlinie]] trèkke ondernaeve. De [[Uerdinger Linie]] splits zich um Venlo en [[Aarce]] op: de grens veur ''ik/ich'' en ''ouk/ouch'' löp ônder Venlo door, de grens veur ''mich/mi'j'' en ''dich/di'j/ów'' löp d'r euver haer. Baovedeen zaet me in Venlo ''alt'' en ''holt'', veur ''audoud'' en ''hout''. Mèt dees kinmerke, 't nevenein veurkómme van ''ik'' en ''mich'', 't bestaon van ein verschil tösse twië toëne, ''sch-'' as begincluster, de combinaties ''-alt'' en ''-olt'' is 't Venloos good gedefinieerd.