Tèlwoord: Versjèl tösje versies

Verwijderde inhoud Toegevoegde inhoud
Tekslien 25:
Bij de volgende mach vaan tien, 10², haoke väöl taole al aof, of ze höbbe 't woord later oet 'n aander taol geliend. Zoe neet de [[Indo-Europese taole]]; 't woord ''hoonderd'' kin vrij gemekelek gereconstrueerd weure (*''ḱmtom''). Veur 10³ geit dat al minder gemekelek; dao sjijne de Indo-Europeaone miejer wäörd veur gehad te höbbe, die mesjiens oersprunkelek gewoen 'väöl' beteikende. In 'n landbouwbesjaving had me 't getal ''doezend'' minder dèks nujeg.
 
Hoeger machte tröf me 'nen inkele kier aon. 10⁴ had in 't [[Aajdgrieks]] de vörm μύριοι ''murioi'', meh weurt dèkser, wie in 't Limbörgs, mèt ''tiendoezend'' beneump. Nog hoeger machte koume pas veur in complexe samelevinge, es me [[wiskunde]] geit gebruke. In 't weste gebruuk me daoveur 1.000 es basis; zoe kóste in 't [[Middelfrans]] de vörm ''million'' (10⁶) en ''milliard'' (10⁹) oontstoon, gevörmp oet ''mille'' (1000) plus twie in de volkstaol veurkoumende [[vergroetingswäörd|vergroetings-achterveugsele]]. Veur nog hoeger machte gebruukde me Latijns veurveugselse. Zoe oontstoonte ''billion'', ''trillion'' etc. ''Billion'' kós evels zoewel 10⁹ es 10¹² beteikene; de wereld, die die groete getalle vaan 't Middelfrans heet euvergepak, is dao nog ummer verdeild euver.
 
Ouch in 't aajd India, boe de wiskunde al vreug bleujde, heet me groete getalle 'ne naom gegeve. 10⁵ (hoonderddoezend) hèt dao ''lakh'', 10⁷ (tien mieljoen) weurt (in Ingelse spèlling) ''crore'' geneump. Hoeger machte vaan tien höbbe ouch naome, meh die weure mer zelde gebruuk.
Aafkomstig van Wikipedia, de Vriej Encyclopedie. "https://li.wikipedia.org/wiki/Tèlwoord"