Middelnederlands: Versjèl tösje versies

't '''Middelnederlands''' of '''Middeldiets''' is 'n taolfase vaan 't [[Nederlands]], oongeveer tösse 1150 en 1500. Ouch 't [[Limbörgs]] vaan dezen tied - 't ''Middellimbörgs'' - weurt in 't gemein tot 't Middelnederlands gerekend; veur de [[Nedersaksisch]]e dialekte op Nederlandse bojem deit me dat noe wel en daan weer neet. De fase volg op 't [[Aajdnederfrankisch]] of Aajdnederlands en versjèlt dao veural vaan door 't [[reductie (fonologie)|oetvalle]] vaan neet-beklemtoende [[vocaol]]e. In tegestèlling tot 't Aajdnederlands heet de Middelnederlandsen tied 'n euvervleujeteg tekscorpus achtergelaote, zoewel oerkundes en aander amteleke tekste es literair tekste. De groete mierderheid vaan die tekste kump oet 't zuie vaan 't taolgebeed. 't Nederlands is veural in Vlaondere sterk in concurrentie mèt 't (Aajd- en Middel-)Frans; heidoor, en door d'n invlood vaan de hoeg (hoof)cultuur, nump 't in deen tied e groet aontal Franse lienwäörd op. Roond 't ind vaan de middeliewe treujt 'n sterke grammaticaol versumpeling op, die d'n euvergaank nao 't [[Vreugmodern Nederlands]] aonkundeg.